სანთელ-საკმეველი თავის გზას არ დაკარგავს! სამშობლოს სიყვარული და ერთგულება ადრე თუ გვიან დაუფასებელი არ დარჩება.

მე როლანდი სიდიანის ამბავი გავიგე,მხოლოდ მას შემდეგ,რაც პროექტი "აქ ჩემი სახლიას" განხორციელება დავიწყე. მოგეხსენებათ დავდივარ კარდაკარ,სოფელ-სოფელ და ვეძებ საარქივო მასალებს და ინფორმაციას. ამ პროცესში გამოიკვეთა,რომ განახლების მოსახლეობის 70% გადაარჩინა როლანდი სიდიანმა. მას თავისი სატვირთო მანქანით ე.წ "კამაზით" გამოჰყავდა მშვიდობიანი მოსახლეობა შედარებით უსაფრთხო ადგილამდე და თვითონ ბრუნდებოდა ისევ სოფელში,რათა დარჩენილი მოსახლეობა გამოეყვანა. ერთერთი დაბრუნება საბედისწერო და საბოლოო აღმოჩნდა როლანდისთვის... აქვე მინდა ავღნიშნო ისიც,რომ მას გამოესარჩლა ეროვნებით სომეხი განახლებელი ახალგაზრდა,რომელიც იქვე დახვრიტეს.მე ქედს ვიხრი იმ ვაჟკაცის სულის წინაშე.სამწუხაროდ არ ვიცი მისი ვინაობა. როლანდის მისიცოლ-შვილი და სანათესაო, ახლობელ-მეზობლები უკვე გახიზნული ჰყავდა სვანეთში, სადაც მამაპაპისეული სახლი ჰქონდა, მაგრამ სვანეთიდან დაბრუნდა რათა სხვები გადაერჩინა. დაჯილდოების ცერემონია გაიმართა ვეტერანთა საქმეთა დეპარტამენტში. როლანდის ორდენი გადაეცა მის მეუღლეს მარინა სიდიანს. მე ერთ ადამიანს განსაკუთრებით მიხარია როლანდი სიდიანის გმირობის დაფასება,თუნდაც 25 წლის შემდეგ! დიდება გმირებს!

არა არს საქმე დაფარული რომ არ გაცხადდესო...ადრე თუ გვიან ყველაფერს დაერქმევა სახელი, ბრძოლის ხაზზე გმირულად გარდაცვალებიდან 25 წლის შემდეგ ზაური კვაშილავა დაჯილდოვდა ვახტანგ გორგასლის სახელობის l ხარისხის ორდენით. დაჯილდოვების ცერემონია ჩატარდა ვეტერანთა საქმეების დეპარტამენტში. ზაური კვაშილავას ორდენი გადაეცა მის ვაჟს და თანამებრძოლს კახა კვაშილავას. ჩვენ Ganakhleba.Ge ვუერთდებით ამ სიხარულს და გამოვხატავთ პატივისცემას გმირების მიმართ. დიდება გმირებს!

ასეა,თუ მოვინდომებთ არაფერია შეუძლებელი. თითოეულმა ადამიანმა უნდა გავითავისთ საკუთარი წილი მოქალაქეობრივი პასუხისმგებლობა სამშობლოს წინაშე. აუცილებლად უნდა გავერთიანდეთ ჩვენ ჩვენი წილი პასუხისმგებლობით და საქმით.

წარმატებები ვუსურვოთ ამ დიდებულ საქმეს! მეამაყება ყველაფერი ქართული და ეროვნული. ასეთი თაობა გაუძღვება ჩვენს ქვეყანას და არ გადავშენდებით. მადლობა ანსამბლის ხელმძღვანელს ოთარ კაპანაძეს საკითხის ასე ღრმა შინაარსით დატვირთვისთვის. ეს არ არის მხოლოდ სიმღერა სიმღერისთვის. ეს არის ქართული გენოფონდის გადარჩენისთვის ერთერთი სერიოზული და მნიშვნელოვანი ნაბიჯი.

სოხუმის სახელმწიფო უნივერსიტეტში გაიმართა პროექტის "აქ ჩემი სახლია" და ვებ გვერდის www Ganakhleba.ge პრეზენტაცია. პროექტი „აქ ჩემი სახლია“ მიმდინარეობს სრულიად საქართველოს კათალიკოს პატრიარქის და მცხეთა-თბილისის მთავარეპისკოპისის, ბიჭვინთისა და ცხუმ-აფხაზეთის მიტროპოლიტის ილია II ლოცვა-კურთხევით. პრეზენტაციას უძღვებოდნენ იდეის ავტორები, ბიჭვინთის ყოვლადწმიდა ღვთისმშობლის ხატის სახელობის ტაძრის წინამძღვარი დეკანოზი დავით კონჯარია და მრევლი: სვეტლანა(ნათელა) ჩხვიმიანი და გიორგი სარალიძე. სვეტლანა ჩხვიმიანმა წარადგინა ვებგვერდი www Ganakhleba.ge და ახალგაზრდებს აუხსნა თუ როგორ შეიძლება მათი ჩართვა პროექტში. დეკანოზმა დავით კონჯარიამ ისაუბრა პროექტის მნიშვნელობაზე, მომავალი თაობებისთვის ინფორმაციის გადაცემის აუცილებლობაზე, რომელიც ერთგვარი გზამკვლევი იქნება აფხაზეთსა და სამაჩაბლოში . ა(ა)იპ განახლება 2018-ის დირექტორმა, გიორგი სარალიძემ თანატოლებს მოუწოდა ამ მნიშვნელოვან პროექტში აქტიური ჩართულობისკენ. ეს არის აფხაზეთიდან და სამაჩაბლოდან იძულებით გადაადგილებულ პირთა ინტერნეტ არქივი, სადაც ხდება იურიდიული მისამართების განთავსება და დამოწმება.

მადლობა ფილმის " დაუკარგავი იმედი" სპონსორს ეკატერინე ხაინდრავას!!! დაე,გვიმრავლოს ასეთი ღირსეული, სამშობლოს და საკუთარი კუთხის სიყვარულით გაჟღენთილი ადამიანები. ემოციებით აღსავსე იყოფილმზე "დაუკარგავი იმედი" მუშაობის პროცესი, ოღონდ დადებითი და უარყოფითი ემოციებიენაცვლებოდა ერთმანეთს. იყო ბევრი სითბო, სიყვარული, ცრემლი,სევდა... აბა წარმოიდგინეთ 25 წლის წინ განშორებულმასწავლებლებთან, კლასელებთან და მეზობლებთან შეხვედრა... მე ხომ განახლების ისტორიის გაცოცხლება დავიწყე, ეს დიდი პასუხისმგებლობა იყო ჩემი თანასოფლელებისწინაშე.არ იყო ადვილი, ეს ძალიან რთული აღმოჩნდა, მაგრამ მაინც გამოვიდა, მჯობნის მჯობნი არ დაილევაო, ნათქვამია, სხვას იქნებ უკეთესად გამოუვიდეს,ამიტომ ვერ ვიტყვი ძალიან კარგი შედეგია თქო, მაგრამ ისიცფაქტია, რომ ჯერ შესადარებელი მასალა არ გვაქვს. გამოვიდა საუკეთესო ადამიანების და მეგობრების მხარდაჭერის შედეგად... მადლობა ბატონ ზურა ყიფშიძეს ტექსტის ჩაწერისთვის, ცალკე ისტორიად შეიძლება დაიწეროს ჩვენი შეხვედრები, თუროგორდავითანხმე სრულიად უცხო ადამიანმა (არარეჟისორმა, არაპროდუსერმა, არასცენარისტმა) მიეღო მონაწილეობა ამ ფილმის გახმოვანებაში. ტექსტი ეკუთვნის სამ ადამიანს: ნატო ჯიქიას (ჩემი ქართული ენისა და ლიტერატურის მასწავლებელი), თამრიკო ივეჩიანს ( ჩემი კლასელი და ამჟამად ქართული ენისა და ლიტერატურის მასწავლებელი) და მე სვეტლანა ჩხვიმიანს. ამ კადრში ზურა ყიფშიძე კითხულობს თამრიკო ივეჩიანის ტექსტს. ჩაწერილიაბექა გაბუნიას სტუდიაში. მადლობა ბექას,გარდა იმისა,რომ მან დაგვიწერა მუსიკა და დუეტი,ასევემან მოიფიქრა ზურა ყიფშიძეს მოწვევადა ძალიან შეგვიწყო ხელი მოლაპარაკებებში. კიდევ და კიდევ დიდი მადლობა ეკატერინე ხაინდრავას დაფინანსებისთვის

ერთად ვაშენებდით ბიჭვინთის ღმრთისმშობლის ხატის სახელობის ტაძარს, ორივეს დეკანოზი დავით კონჯარია გვიწევდა სულიერ მამობას, ერთი ბარძიმიდან ვეზიარებოდით, სატკივარ-საფიქრალიც ერთი გვქონდაჩვენი სამშობლო, მაგრამ ერთმანეთს არ ვიცნობდით... - დამაკლდი ჩემო ქრისტესმიერო ძმაო გოდერძი, სწორედ მაშინ გამომეცალე ხელიდან, როცა მეც შენსავითშევიყვარე სამშობლო, სწორედ მაშინ, როცა ჩემი წილი პასუხისმგებლობა მეც ვიგრძენი ჩვენი დაჩეხილი ქვეყნის წინაშე, როცა შენსავითმეც დავიწყე ფიქრი თუ როგორ გავამთელოთ საქართველო და როგორ მოვუშუშოთ იარები... ვერ გაგაცანი პროექტი "აქ ჩემი სახლია" და ეს პორტალი Ganakhleba.Ge...დარწმუნებული ვარ მოგეწონებოდა, უფრო მეტიც გვერდში დაგვიდგებოდი მე და მამა დავითს და.... თუმცა, როცა ადამიანი ნათელ კვალს ტოვებს ამ სოფლად....მის ნაკვალევს მეტი შეუძლია გააკეთოს ვიდრე მოკვდავ ადამიანს... მე უკვე ვგრძნობ შენს დახმარებას... მე უკვე მაქვს შენი კალამი, რომელიც შენს სათქმელს დაწერს ყველგან... მე უკვე ვიცნობ შენს მეგობრებს, ახლობლებს, თანამებრძოლებს, რომლებიც შენ გამომიგზავნე მაშველად და დამხმარედ ამ საქმეში... შეუცნობელია გზები უფლისანი... შენ არ გიყვარდა საუბარი, ზედმეტად თავმდაბალი იყავი და სიცოცხლეში შენზე ამდენი საუბრის უფლებას არ მომცემდი... რომელ ქვეყანაშიც არ უნდა წასულიყავი სპორტულ შეჯიბრებებზე, ყველგან ჩვენი ქვეყნის ერთიანობისთვის აფრიალებდი დროშას, მეგობარო! არ გამოიღო შედეგი ამ ქვეყნიურმა ელჩობამ და ახლა ქრისტე ღმერთთან გაემგზავრე და უფალს ევედრები ჩვენი ქვეყნის გაბრწყინებას...

პორტალი Ganakhleba.Ge არის იძულებით გადაადგილებული პირებისთვის შექმნილი. ჩვენ ყველამ ერთდ უნდა შევქმნათ ინტერნეტ არქივი და გადავცეთ ჩვენს შვილებს. პროექტი "აქ ჩემი სახლიას" ავტორები მზად ვართ ვისაუბროთ და ვითანამშრომლოთ ყველა ჯგუფთან, რომელიც აერთიანებს ოკუპირებული ტერიტორიიდან იძულებით გადაადგილებულ პირებს. შეხვედრაზე მოწვეული გვყავდა რამდენიმე ჯგუფის ადმინისტრატორი, მაგრამ გვეწვია მხოლოდ ირაკლი ტორუა ჯგუფის "დევნილები დევნილებისთვის" ადმინი. რისთვისაც დიდ მადლობას ვუხდით მას. თავისი მობრძანებით დაამტკიცა მან, რომ ჯგუფი შექმნილი აქვს კეთილი მიზნებისთვის. ირაკლიმ მოიწონა ჩვენს მიერ განხორციელებული იდეა, თუმცა გვქონდა ცხარე და ჯანსაღი კამათი. სწორედ ამ კამათისთვის ვუხდი მას მადლობას, რამეთუ ჩვენ შევეჭიდეთ ისეთ ფაქიზ და სენსიტიურ თემას, რომ აქ, ტაშდაკვრით და ღიმილით ვერ გავალთ ფონს, აქ საჭიროა ჯანსაღი პოლემიკა და ცოცხალი სამუშაო შეხვედრები. მადლობა ირაკლის რომ გამოთქვა ჩვენთან თანამშრომლობის სურვილი. ურთიერთ მხარდაჭერით მივალთ სასურველ მიზნამდე.

იძულებით გადაადგილებულ პირთასაყურადღებოდ. აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო გთავაზობთ უფასო გამოკვლევებს: მასალის მორფოლოგიური და იმუნოჰისტოქიმიური კვლევა. ფარისებრი ჯირკვლისა და სარძევე ჯირკვლის წვრილნემსიანი ბიოფსია და ციტოლოგიური კვლვა. ინფორმაციისთვის დარეკეთ 577 09 25 64 დალი დგებუაძე _ პროგრამის კოორდინატორი. ჯანმრთელობას გისურვებთ.

ა.წ. 10 ნოემბერს შედგა ა(ა)იპ განახლება 2018-ის პირველი შეხვედრა-თათბირი, სადაც მოწვეული იყო ვებ გვერდისGanakhleba.Ge _ს შექმნისთვის ა(ა)იპ განახლება 2018 _ის შემომწირველები. პროექტი "აქჩემი სახლია"-ს ფარგლებში შექმნილი ჯგუფების ადმინისტრატორები. ასევე ფეისბუქ ჯგუფის დევნილები დევნილებისთვის ადმინისტრატორი ირაკლი ტორუა. თათბირის თემა იყო ვებ გვერდის განხილვა. დადებითი და უარყოფითი მხარეების განსაზღვრა. ბოლო ტექნიკური შტრიხების და კორექტირების შეტანა, მანამ სანამ დავიწყებთ ვებ გვერდზე რეგისტრაციას. თათბირს პირდაპირი ჩართვით ესწრებოდა პროექტის თანაავტორი ბიჭვინთის ღმრთისმშობლის ხატის სახელობის ტაძრის წინამძღვარი დეკანოზი დავით კონჯარია. თათბირმა ჩაიარა ცოცხალი კრიტიკის და სჯა-ბაასის ფონზე.მადლობას ვუხდი ბატონ ირაკლი ტორუას კრიტიკული შენიშვნებისთვის და შემდგომში თანამშრომლობის სურვილისთვის. და მაინც ყველაზე მნიშვნელოვანი რამ რაც ამ თათბირზე მოხდა, არის სწორედ ის რასაც ემსახურება ვებ გვერდი Ganakhleba.Ge. სტუმრად გვყავდა ერთი ახალგაზრდა გოგონა ანა კვიციანი, რომელიც ახლდა ქალბატონ მარინაგვიჩიანს (დალის ხეობიდან) და გამაცნო როგორც თავისი შვილიშვილი. თათბირის ბოლოს ანას ვთხოვეთ დაეფიქსირებინა თავისი მოსაზრება ამ პოექტთან დაკავშირებით და აღმოჩნდა, რომ ანა კვიციანი არის სოფელი განახლების მკვიდრი, კერძოდ ნიკოლაევკელი, გივი კვიციანის შვილიშვილი და როინ კვიციანის შვილი. ჩვენი ექიმის ნუგზარ ვეკუას კარის მეზობელი. იქვე ვანახეთ მას თავისი მამა-პაპისეული ნასახლარი, გავაცანით კარის მეზობელი ნუგზარი ექიმი, რომელიც აუცილებლად იქნებოდამისი პედიატრი... გავაცანით განახლების საშუალო სკოლის ქართული ენისა და ლიტერატურის მასწავლებელი ინეზა კვარაცხელია, რომელიც შესაძლოა ყოფილიყო მისი მასწავლებელი... გავაცანით მასწავლებელი თამარ ივეჩიანი და ასევე იდეის ავტორი სვეტლანა ჩხვიმიანი, პროექტის მენეჯერი შორენა გოროზია.ეს ადამიანები არც მეტი არც ნაკლები უნდა ყოფილიყვნენ მისი მშობლების ქორწილში... აი რისთვის შეიქმნა Ganakhleba.Ge. აი რას ემსახურება პროექტი "აქ ჩემი სახლია". ჩვენ უნდა განვაახლოთ ურთიერთობები, ჯერ ჩვენ უნდა გავიცნოთ ჩვენი მომავალი თაობა. დავუტოვოთ მათ ინტერნეტ არქივი და მივცეთ საშუალება იფიქრონ ქვეყნის გამთლიანების გზებზე და გამოსავალზე. ჩვენ თუ არაფერი გავაკეთეთ ჩათვალეთ, რომ ვწირავთ ჩვენს მომავალ თაობას!!! რამდენია ანასნაირი,გიორგისნაირი,ნინისნაირი,დავითისნაირიახალგაზრდა ვისაც სიღრმისეულად აინტერესებს ეს საკითხი?!...