ასეთი ძალა წყალობაა უფლისა... ლელა ვეშაგური ნამყოფიც კი არ არის აფხაზეთში, მაგრამ იმედითსავსეგვიმღერის ჩვენ აფხაზეთელებს. თანაუგრძნობს ყველა შვილგარდაცვლილ დედას (სამწუხაროდ, მან იცის, თუ რა ტკივილია შვილის გარდაცვალება) და მოგვიწოდებს გაერთიანებისკენ. სიმღერა ჩაწერილია ფილმისთვის " დაუკარგავი იმედი" , მადლობა ჩემო ლელა ასეთი საჩუქრისთვის და თანადგომისთვის.( ფაქიურად ფილმზე მუშაობის პერიოდში სულ გვერდით მყავდი) ფილმის მუსიკაზე, ასევე სიმღერაზე მუშაობდა ბექა გაბუნია. უნიჭიერესი ახალგაზრდა გაგრიდან. არ დავკარგოთ იმედი...ლოცვა მთებს დაძრავს... აფხაზეთი მაინც ჩვენი იქნება!!!

ჩვენ დავბრუნდებით სოხუმში როცა - აფხაზურ პალმებს ჩავეხუტებით, ისევ აღვავლენთ ქართულად ლოცვას, ძმებს აღარასდროს გავებუტებით. ჩვენ დავბრუნდებით სოხუმში როცა - სიხარულის ზარს დარეკს ბედია, მიწას ვაჩუქებთ უამრავ კოცნას, ეს სიცოცხლეზე უფრო მეტია. ოთარ რურუა

მე დავითის საქართველო მომენატრა, სალ კლდესავით უტეხი და მედგარი! რუსთაველის საქართველო მომენატრა, გამარჯვების დიდ კვარცხლბეკზე შემდგარი! საქართველოს ოქროს ხანა მენატრება, მის დაღუპულ ჯარისკაცებს მივტირი. ყველაფერი მამულისთვის მინატრია, მისთვის მინდა სიცოცხლეც და სიკვდილიც. მე ბოლომდე მისი მოყმე დავრჩები და სიკვდილამდე ვივლი ტურფა ბაღნარში. ავენთები ქვეყნის კეთილდღეობისთვის ვეკვეთები დუშმანს როგორც ბაღვაში. მომენატრა ხანა აღმაშენებლის და მენატრება სახელმწიფო თამარის! ჩემთვის, როგორც თვითეული ქართველისთვის, სამშობლოა პირველი და მთავარი! ოთარ რურუა

ჩემი სამშობლო ჩემი სამშობლო სულ სხვაა მაინც, აქებს მარაბდელს, მცხეთელს, ასპინძელს, ფალიაშვილი აქ წერდა ,,დაისს“, ვაჟა აქ თხზავდა ,,სტუმარ-მასპინძელს“. ჩემი სამშობლო სულ სხვაა მაინც, პეშვით შემისვამს წყალი რიონის, აქ წინაპრების საფლავი არის, აქ განისვენებს გალაკტიონი. ვერ შეგვაშინებს მტერი ვერანი აღმაშენებლის ჯიშის ქართველებს, ვართ პატრონები ტატოს ,,მერანის“, ჩვენს დაჭრილ გულებს დრო გაამრთელებს. მწამს: მოვუყვებით შვილებს გმირებზე, დავზრდით თევდორედ, ცოტნედ, საჩინოდ, რომ კვლავ შევიდგათ უღელი მხრებზე და მომავალი გადავარჩინოთ. ოთარ რურუა

როცა სიზმრად ტყვიებდახლილ სოხუმს ვხედავ - აფხაზების სირცხვილითაც ვიწვები, გულს მაწვება მონატრების ჩუმი სევდა, უფრო მტკივა გაყიდული მიწები. როცა სიზმრად ტყვიებდაკრულ სოხუმს ვხედავ - თვალწინ მიდგას დედა აცრემლებული, სანთელს ვუნთებ თეთრ გიორგის - ნათლის მხედარს, რომ წყლულები იქნეს გამთელებული. ოთარ რურუა

სოხუმში მუხის ხე წაიქცა, უბნობენ აფხაზი ბიჭები, ქართველთა სახლებიც დაიქცა, შრიალიც არ ისმის ფიჭვების. სოხუმში ტიტებიც დამჭკნარა, ვერავინ გაჰფანტა იჭვები, მდუმარედ შეისვა ხვანჭკარაც, უდროოდ წასული ბიჭების. ოთარ რურუა

ყოველთვის, როცა ვზივარ და ვფიქრობ განვლილ ცხოვრებაზე, ფიქრს ბავშვობის ხანაში მივყავარ. ბავშვობა კი ავტომატურად სკოლასთან ასოცირდება. ამოტივტივდება მოგონებები ყველაზე და ყველაფერზე; თანაკლასელებზე, მასწავლებლებზე და თითქოს გონება დამსახურების მიხედვითმიუჩენს ადგილს მეგობარსაც და პედაგოგსაც.და ჩვენს შემთხვევაში, ვინ, თუ არა ქალბატონი. ინეზა - იკავებს ერთადერთ და შეუცვლელ ადგილს! მახსენდება სიტყვები აბრაამ ლინკოლნის წერილიდან, რომელიც მან შვილის მასწავლებელს მისწერა, როცა სკოლაში მიიყვანა: "ჩემი შვილისთვის ეს იქნება თავგადასავალი, რომელიც მას სამყაროში ამოგზაურებს, ყოველი თავგადასავალი ომს, ტრაგედიას და ტკივილს გულისხმობს. ამის გადასალახავად და ცხოვრების გზის გასავლელად კი მნიშვნელოვანია რწმენა, სიყვარული და მხნეობა ჩვენი ურთიერთობა კი მართლაც ყველაფერს მოიცავდა. სწავლის პერიოდის ყოველი ეტაპი სითბოთი და სიყვარულით, ჩვენზე - ბავშვებზე ზრუნვით, მფარველობით იყო გაჟღენთილი. ვინ იცის, რამხელა ამაგი ჩადო ამ ღვთისნიერმა ადამიანმა ჩვენს კარგ პიროვნებებად ჩამოყალიბებაში. ქალბატონო ინეზა,ჩვენი მადლიერება უსაზღვროა გაწეული შრომისათვის,თქვენ ჩვენთვის ხართ არამარტო ჩვეულებრივი მასწავლებელი და დამრიგებელი,არამედ ძალიან ახლო მეგობარი და რაც მთავარია თქვენი კლასისთვის თქვენ ხართ კარგი აღმზრდელის,კეთილი და პატიოსანი ადამიანის ეტალონი! ეს მუდამ ასე იქნება! ეკატერინე კვიციანი

ლერი არის ლერი წივილაშვილის შვილი.... (მეტი კომენტარი ვერ გავაკეთე)

განახლების სკოლის პედაგოგის დოდო ჯიქიას მოსაზრება საიტის Ganakhleba.Ge-ს და კგუფი "განახლება"ს შესახებ

როგორ და რატომ შეიქმნა ვებგვერდი Ganakhleba.Ge და როგორ მუშაობს პლატფორმა- პროექტს წარადგენენიდეის ავტორი სვეტლანა ჩხვიმიანი და ვებსტუდია CGroup-ის დირექტორი ნიკო გოგოლაძე.

ახალი კადრები სოფელი განახლების ცენტრიდან. კადრშიჩანს მაღაზია და ანძა. ირგვლივ ყველაფერი გაჩანაგებულია.